ما بتتوصفش

2.12.10



ما بتتوصفش

ما لك يا صاحبى ؟
مش عارف
نفسى أقول لك على جوايا
 بس مش عارف
و أفكر كثير
بس لما  بآجى أتكلم
مش بلاقى كلام يتقال
و كلام كثير
بس لما بآجى اتكلم
يبقى الكلام  بتقل جبال
عارف اللى انا فيه , و للا مش عارف ؟
مش بالظبط
بس شكلك ما نمتش طول الليل
ايوة بالظبط
و تفتكر كنت ليه سهران ؟
ما أنا نفسى أقول بس مش عارف
لأ عرفت , بس أنا خايف
خايف يكون احساس كداب
عشان شفت فيلم وللا قريت صفحتين فى كتاب
و باسألنى كتير
هو ده علم , و اللى بشوفه مش أحلام؟
و باحتار كتير
عايز أكمل  بس خايف تكون أوهام
و أخاف أصدق
يطلع ده كله أى كلام
شكلك نمت
يا عم قول لى لو زهقت
لا ما نمتش .... شكلك وقعت
يا صاحبى انت بتحب
أخيرا نطقت
انا كنت عايز أقول لك انى بحبها
طب هى مين ده
و للا اسمه ايه ده اسمها ؟
اسمها حنان , وداد .. أسامى الحب كلها
طب شكلها ؟
زى القمر
بس كده ؟ ما توصفهالى
انت هتلخبطنى ليه تانى
ده انا اما صدقت لقيت كلمة و قلتها
طب هى حلوة؟
جمالها بمراحل فوق الجمال
أخلاق ما تتوجدش غير فى الخيال
لو من وسط ألف واحدة , أطلعها و ماحتارش
نورها يشدك و يخليك ما تتحركش
مش بايدك تسييبها , جنبها مش بتختار
تحتها انت , و هى تقعد على العرش
و عليها هدوووء .........
انت سرحت , ارحمنى فوووق
بعد كلامك ما انا لازم اسرح
و عندى سؤال اذا كنت تسمح
هو سؤال بايخ سئيل
هو فيه حد زيها ؟
أنا شايف ان ده شىء مستحيل
انت كده جبت من الآخر
ما هى حبيبتى ده :

لو على الجمال , ما بتتوصفش
و فى سحرها  مالهاش مثيل

0 التعليقات:

إرسال تعليق

 
موهندس خانة © 2013 | Plantilla diseñada por Ciudad Blogger